Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Гомельскае аддзяленне Беларускай чыгункі

Гомельскае вагоннае дэпо

Начальнік дэпо
Філімончык Павел Валер’евіч

Намеснiк начальнiка дэпо по iдэалагiчнай рабоце, кадрах i сацыяльных пытаннях
Малочка Дзмiтрый Аляксеевiч

Намеснiк начальнiка дэпо па эксплуатацыi
Шапель Аляксандр Вiкенцьевiч

Намеснiк начальнiка дэпо па эксплуатацыi
Гарчанка Сяргей Леанiдавiч

Галоўны інжынер
Дыннiк Сяргей Рыгоравiч

Галоўны бухгалтар
Прытычэнка Ганна Мiкалаеýна

Кантактная інфармацыя:
Тэл. (+375 232) 95 34 49
Факс: (+375 232) 32 96 00
E-mail: vchd7_tachilkin@nod.gomel.by
Адрас: 246014, Рэспублiка Беларусь, г. Гомель, вул. Цялегіна, 1а
Гісторыя дэпо

Рух грузавых і пасажырскіх цягнікоў ад горада Бабруйска да горада Гомеля быў адкрыты ў сярэдзіне лістапада 1873 года. У пераліку пабудоў, дададзеным да ліста Ваеннаму Міністру ад 20 лістапада 1873 года за № 14, значыцца вагонны сарай. З яго і пачалася гісторыя Гомельскага вагоннага дэпо.

Пасля вылучэння вагоннага дэпо ў асобную гаспадарку ў 1933 годзе пачаўся перыяд пашырэння вытворча-тэхнічнай базы.

Да пачатку 1941 года дэпо мела неабходную рамонтную базу: вагоназборачны і механічны цэхі, кавальскае і колатакарнае аддзяленні, кровельную майстэрню, электразварачнае, газазварачнае, выварачнае, сталярнае аддзяленні, падзарадную станцыю, канцапрапітачную, кантрольны пункт аўтатармазоў і іншыя дапаможна-побытавыя памяшканні. Магутнасць вагонарамонтнай базы дэпо цалкам забяспечвала патрэбы ў планавым рамонце вагоннага парку.

Вялікая Айчынная вайна ўнесла свае жорсткія карэктывы. Са жніўня 1941 года да красавіка 1944 года дэпо знаходзіцца ў эвакуацыі ў вагонным дэпо Багатол Краснаярскай чыгункі.
У пасляваенныя гады на кантэйнернай пляцоўцы таварнага двара, які знаходзіўся побач са станцыяй Гомель-Пасажырскі, праводзіўся дэпоўскі і бягучы рамонт пяцітонных кантэйнераў.

У 1968 годзе была праведзена рэканструкцыя дэпо.

У 80-я гады мінулага стагоддзя пачалася мадэрнізацыя вагоннага парку. Калёсныя пары з падшыпнікамі слізгання замяняліся на калёсныя пары з ролікавымі буксамі. Было зачынена бабітазалівачнае аддзяленне, што дазволіла пашырыць кацельную і перавесці яе на газавае ацяпленне. Павялічана памяшканне ролікавага аддзялення колавага цэха, устаноўлена дадатковае абсталяванне.

Гомельскае вагоннае дэпо спецыялізавалася на правядзенні капітальнага і дэпоўскага рамонту платформ і крытых вагонаў.

З 2000 года да 2002 года дэпо спецыялізавалася на правядзенні капітальнага і дэпоўскага рамонту цыстэрн.

З 1 студзеня 2002 года дэпо перапрафіліравана ў эксплуатацыйнае. Вагоназборачны цэх з дапаможнымі памяшканнямі перададзены Гомельскаму вагонарамонтнаму заводу.
У лістападзе 2002 года ў склад Гомельскага вагоннага дэпо ўвайшлі ПТА ст. Калінкавічы і ППВ ст. Барбароў.

Сучасны этап

Зараз Гомельскае вагоннае дэпо акрамя тэхнічнага абслугоўвання, бягучага адчапнога рамонту грузавых і пасажырскіх вагонаў ажыццяўляе:

  • рамонт калёсных пар без змены элементаў (з абточкай калёсных пар, правядзеннем поўнай і прамежкавай рэвізіі буксавых вузлоў);
  • рамонт аўтасчапнога і аўтатармазнога абсталявання.